QUB mat ha QUB noz : penaos aesaat an treuzdougen? Ar servij QUB Noz a vez kinniget eus al Lun d’ar Sadorn, eus 8e noz da hanternoz, ha ret eo mirout 1 eur d’an nebeutañ a-raok mont. Ar servij-mañ a vez graet gant kirri monospas. Pignat ha diskenn a reer en arsav bus an tostañ ouzh al lec’h dibabet. Evel en treuzdougen publik e c’hall meur a veajour bezañ asambles en ur c’harbed evit ar memes pennad-hent pe dost. Ar servij QUB Noz a vez kinniget ivez er servij HandiQUB. Gallout a reer mirout en deiz a-raok ar veaj betek 5e15 d’abardaez d’an diwezhatañ, war an arload hag al lec’hienn internet HandiQUB pe en ajañs kenwerzh QUB. Emaoc’h o chom e Plogoneg, Gwengad, Lokorn, Kemeneven pe e Bro-C’hlazig ? Da Wener ha da Sadorn : Daou zilec’h war-zu an holl arsavioù en tolpad (e-maez Kemper) : 9e40 noz adalek ar Gar SNCF / 9e45 noz adalek Straed ar Park 10e40 noz adalek ar Gar SNCF / 10e45 noz adalek Straed ar Park Emaoc’h o chom e Kemper, an Erge-Vras, Pluguen, Ploveilh pe Ploneiz ? Eus al Lun d’ar Sadorn, eus 8e noz da hanternoz : Dilec’h adalek forzh peseurt arsav er c’humunioù meneget a-us. Ar memes prizioù zo gant ar servij-mañ evel er rouedad QUB. Neuze eo digoust an treuzdougen QUB Noz e-pad an dibenn-sizhun ! Ma ne gemerer ket ur plas hag a zo bet miret e c’haller koll ar gwir da vont gant ar servij-mañ. Un arload evit meur a servij. Gant QUB Resa e c’hallit hoc’h-unan mirout ar servijoù QUB Mat ha QUB Noz. Aes eo ober gant QUB Resa a vez kavet enlinenn hag e stumm un arload hezoug evit mont diouzh boazioù an holl. Ur wech krouet ho kont e c’halloc’h mirout ho pennadoù-hent, gwelet ar re ho peus miret dija, ha gwelet ivez pelec’h eo en em gavet ar c’harbed a gemero ac’hanoc’h e karg. Ur wech m’emaoc’h el lec’hienn internet pe en arload hezoug : Krouiñ ur gont evit gallout kevreañ ar wech kentañ. Goude-se n’ho po nemet kevreañ gant ho hoc’h anaouderioù, Dibab e peseurt arsavioù e fell deoc’h pignat ha diskenn, Dibab an eur a fell deoc’h, Lavaret pet den a vo, Kadarnaat ho pennad-hent ! Ur wech m’eo bet miret ar pennad-hent ganeoc’h e vo kaset un SMS kadarnaat deoc’h ma vo merket ar mare 20 munutenn ma vioc’h kemeret e karg. A-hend-all e vo lavaret deoc’h ma vez dale pe lañs gantañ ! Evit gouzout hiroc’h war an implijoù eus QUB Resa e c’hallit sellet ouzh ar video-mañ 15 munutenn a-raok ho pennad-hent e vo kaset un SMS deoc’h evit lavaret pevare en em gavo ar c’harbed, hag unan all pa vo oc’h en em gavout el lec’h ma vioc’h kemeret e karg.
